Holiadur Cleifion Meddygfa Cei Newydd - dyfodol gwasanaethau ar gyfer cleifion cofrestredig - Arolwg

Mae'r cwestiynau hyn yn gofyn am drefniadau posibl yn y dyfodol ar gyfer gwasanaethau meddygon teulu ym Meddygfa Cei Newydd ar ôl diwedd mis Mawrth 2027. Yn dilyn penderfyniad y contractwr meddygon teulu presennol i drosglwyddo eu contract Gwasanaethau Meddygol Cyffredinol yn ôl, cynhaliodd y Bwrdd Iechyd Banel cynghori, o'r enw Panel Practis Gwag I ystyried yr opsiynau ar gyfer dyfodol y gwasanaethau a ddarperir ar hyn o bryd gan Meddygfa Cei Newydd. Ystyriodd y Panel dri opsiwn posibl.

Yr opsiwn a'r argymhelliad a ffefrir ar hyn o bryd yw dod o hyd i gontractwr annibynnol newydd, sef meddyg teulu neu sefydliad a fyddai'n rhedeg y feddygfa o dan gytundeb gyda'r Bwrdd Iechyd, ac a fyddai'n parhau i ddarparu gwasanaethau meddygon teulu o Meddygfa Cei Newydd ar ôl diwedd mis Mawrth 2027.

Mae'r Bwrdd Iechyd hefyd yn casglu barn ar yr opsiynau eraill a drafodwyd, gan gynnwys cleifion yn cael eu trosglwyddo i bractisau meddygon teulu cyfagos eraill gan y Bwrdd Iechyd, neu Meddygfa Cei Newydd yn dod yn bractis a reolir gan y Bwrdd Iechyd.

Nid oes unrhyw benderfyniad wedi'i wneud. Bydd eich adborth yn helpu'r Bwrdd Iechyd i ddeall beth sydd fwyaf pwysig i gleifion, gofalwyr a'r gymuned ehangach, a beth allai effaith pob opsiwn fod.