Uned Mân Anafiadau - Ysbyty Tywysog Philip Holiadur Ymgynghoriad

Mae Bwrdd Iechyd Prifysgol Hywel Dda (y Bwrdd Iechyd) yn darparu gwasanaethau iechyd i bobl ledled Sir Gaerfyrddin, Ceredigion, a Sir Benfro a hefyd i gymunedau cyfagos. Mae’r ymgynghoriad hwn yn ymwneud â sut y gallem ddarparu gwasanaethau yn yr Uned Mân Anafiadau yn Ysbyty Tywysog Philip yn Llanelli yn y dyfodol. Yn dilyn newid dros dro i oriau agor, yn newid o 24 awr y dydd, saith niwrnod yr wythnos i wasanaeth 12 awr sydd ar gael rhwng 8am ac 8pm saith diwrnod yr wythnos. 

Rydym yn ceisio eich barn ar y model gorau ar gyfer yr Uned Mân Anafiadau yn Ysbyty Tywysog Philip. Mae gennym bedwar opsiwn sydd wedi’u datblygu yr hoffem gael eich adborth arnynt. Rydym hefyd yn agored i syniadau newydd sydd heb eu hystyried eto.

 Yn yr ymgynghoriad hwn, rydym am i chi ddweud wrthym:

•  pa opsiwn arfaethedig sy’n mynd i’r afael â’r heriau y mae’r Uned Mân Anafiadau yn Ysbyty Tywysog Philip yn eu hwynebu orau yn eich barn chi; yn gwella diogelwch cleifion a staff, yn helpu gyda phrinder staff ac yn mynd i’r afael â phryderon Arolygiaeth Iechyd Cymru 
• pryderon a allai fod gennych am unrhyw un o’r opsiynau, neu’r effeithiau y credwch y gallent eu cael
•  unrhyw beth arall y credwch y mae angen i ni ei ystyried, gan gynnwys opsiynau neu syniadau eraill a allai fod gennych.                                                                                                                                                                                                       

I gael gwybodaeth am yr ymgynghoriad, darllenwch ein dogfen ymgynghori sy’n cyd-fynd â’r holiadur hwn a/neu ewch ar-lein i: biphdd.gig.cymru/UMAYTP. 

Os dymunwch dderbyn copi papur neu os oes angen fformat mwy hygyrch arnoch, ffoniwch ni ar 0300 303 8322 (cyfraddau galwadau lleol) a dewiswch opsiwn 5 ‘gwasanaethau eraill’. 

I roi eich adborth, cwblhewch yr holiadur isod erbyn 22 Gorffennaf 2025.

Bydd barn pobl sy’n ymateb yn bersonol yn ddienw. Bydd barn y bobl sy’n ymateb yn bersonol yn ddienw, ac felly, ni ddylech ddatgelu unrhyw wybodaeth bersonol adnabyddadwy amdanoch chi’ch hun yn y blychau testun rhydd, dim ond eich barn sydd ei hangen. Fodd bynnag, mae’n bosibl y bydd adborth gan gynrychiolwyr sefydliadau neu rywun sy’n gweithredu’n swyddogol yn cael ei rannu. Byddwn yn defnyddio eich barn a’ch syniadau newydd, ynghyd â’r dystiolaeth ategol rydym wedi’i chasglu, i lywio ein penderfyniad ar ateb hirdymor ar gyfer sut rydym yn darparu gwasanaethau yn yr Uned Mân Anafiadau yn Ysbyty Tywysog Philip. 

Mae pob cwestiwn yn ddewisol a bydd yr holl wybodaeth a ddarperir gennych yn cael ei phrosesu yn unol â’r ddeddfwriaeth diogelu data ddiweddaraf. Dim ond i lywio’r ymgynghoriad hwn y bydd gwybodaeth yn cael ei defnyddio, a bydd unrhyw wybodaeth bersonol a allai ddatgelu pwy ydych yn cael ei chadw am ddim mwy na blwyddyn ar ôl i unrhyw benderfyniadau gael eu cwblhau. I gael rhagor o wybodaeth, gweler biphdd.gig.cymru/amdanom-ni/trefniadau-llywodraethu/eich-gwybodaeth-eich-hawliau/hysbysiadau-preifatrwydd.

Uned Mân Anafiadau Ysbyty Tywysog Philip

Darllenwch y ddogfen ymgynghori am ragor o wybodaeth gan gynnwys teithio, cyllid ac amserlenni ar gyfer pob opsiwn.

Mae Unedau Mân Anafiadau yn darparu gofal ar gyfer anafiadau sydd angen sylw ar frys ond nad ydynt yn argyfyngus nac yn bygwth bywyd. Mae’r Uned Mân Anafiadau yn Ysbyty Tywysog Philip yn Llanelli yn darparu gofal i oedolion a phlant dros 12 mis oed â mân anafiadau fel:

• mân glwyfau
• mân frathiadau a phigiadau (gan fodau dynol, pryfed neu anifeiliaid)
• mân losgiadau neu sgaldio
• mân anafiadau i'r pen / rhwygiad croen y pen
• cyrff estron yn y glust neu'r trwyn
• mân anafiadau i'r breichiau
 • mân anafiadau i'r llygaid.

Nid yw Uned Mân Anafiadau yn Adran Achosion Brys (A&E), dim ond mân anafiadau y gall eu trin, fel y rhestrir uchod.

Yn dilyn y newid dros dro i oriau agor ym mis Tachwedd 2024, mae’r gwasanaeth ar agor am 12 awr ar hyn o bryd, 8am i 8pm, saith diwrnod yr wythnos. Fel rhan o’r broses datblygu opsiynau datblygwyd yr opsiynau canlynol:

* Mae gwasanaethau Gofal Brys yr Un Diwrnod yn darparu gofal ar unwaith ar gyfer salwch nad yw'n bygwth bywyd ar yr un diwrnod y mae angen help arnoch. Gall cleifion gael eu hatgyfeirio gan weithwyr proffesiynol eraill neu eu mynychu ar y diwrnod. Gallant wneud diagnosis a delio â llawer o'r problemau cyffredin gan gynnwys mân anafiadau a welir fel arfer mewn uned mân anafiadau yn ogystal â mân salwch. Gall cleifion gael eu hasesu, eu diagnosio, a'u trin ac yna gallant ddychwelyd adref yr un diwrnod. Efallai y rhoddir cynllun gofal iddynt sy'n cynnwys atgyfeiriadau i wasanaethau eraill os oes angen. Bydd y gwasanaethau hyn hefyd yn datblygu cysylltiadau â gwasanaethau cymunedol fel y gall cleifion gael profion a thriniaethau ar gyfer rhai cyflyrau, gan osgoi’r angen i ddod i’r ysbyty.