Dweud eich dweud am y Celfyddydau ac Iechyd yn Hywel Dda

Rhowch eich barn i ni.

Sut gallai’r celfyddydau helpu i wella iechyd a llesiant pobl ar draws Hywel Dda? Dywedwch wrthym beth yw eich barn yn y tab Dweud eich Dweud isod.

Sut gallai celf a cherddoriaeth wella ansawdd eich profiad yn yr ysbyty neu’ch profiad gofal? Dywedwch wrthym beth rydych am ei weld yn digwydd ar ein Bwrdd Negeseuon isod.

Sut gallai’r celfyddydau a chreadigrwydd fod wedi’ch helpu? Rhannwch eich straeon yn y tab cwestiynau isod.

Rhannwch eich stori â ni.

Pam ydyn ni’n meddwl am y Celfyddydau ac Iechyd?

Ym Mwrdd Iechyd Prifysgol Hywel Dda mae gennym weledigaeth a rennir gyda’n cymunedau i ni fyw bywydau iach, llawen.

Mae ein strategaeth ‘Canolbarth a Gorllewin Cymru Iachach: Cenedlaethau’r Dyfodol yn Byw’n Dda’ yn rhannu ein gweledigaeth ar gyfer gwella iechyd a lles ar gyfer ein cymunedau.

Fel rhan o’r gwaith hwn, rydym yn awyddus i adeiladu ar y wybodaeth a’r sylfaen dystiolaeth gynyddol sy’n dweud wrthym fod gan y celfyddydau rôl bwerus i’w chwarae wrth gefnogi iechyd a lles.

Credwn y dylai pawb allu dechrau'n dda, byw'n dda a heneiddio'n dda.

Mae bod yn iach yn ymwneud â mwy nag iechyd da, mae’n ymwneud â sut rydym yn teimlo amdanom ein hunain a sut rydym yn cysylltu â’n gilydd a’n hamgylchedd.

Rydym yn datblygu gweledigaeth celfyddydau mewn iechyd, lle mae creadigrwydd wrth galon ein holl wasanaethau, gan helpu cleifion a’u teuluoedd, cymunedau a staff, i wella eu hiechyd a’u lles drwy gymryd rhan yn y celfyddydau.

Rydym yn awyddus i ddatblygu prosiectau celfyddydau ac iechyd lle mae manteision iechyd a lles profedig megis:

Gwella symudedd, cydbwysedd ac atal codymau trwy ddawns.

Lleihau unigrwydd ac arwahanu cymdeithasol trwy adrodd straeon

Cefnogi cleifion â chyflyrau niwrolegol fel Parkinsons a'r rhai yr effeithir arnynt gan strôc, yn ogystal â'u gofalwyr

Canu er mwyn gysylltu a chodi pobl, gwella cof, iechyd yr ysgyfaint a chanlyniadau i gleifion Covid hir.

Mae celfyddydau gweledol yn cael eu defnyddio i wella iechyd meddwl plant, pobl ifanc, oedolion a phobl hŷn sy’n byw gyda dementia – gan helpu pob oed i feithrin sgiliau ymdopi am oes.

Mae’r celfyddydau’n ymestyn y tu hwnt i weithgareddau creadigol ac mae ganddynt sylfaen yng ngwead ein hadeiladau – gall y celfyddydau ein helpu i greu mannau gofal iechyd lle gall cleifion wella’n gynt a lle mae staff gofal iechyd eisiau gweithio.

Gall y celfyddydau greu amgylcheddau sy’n codi ein hysbryd, yn ein lleddfu a’n cysuro ac yn ein helpu i deimlo’n well.

Mae’r celfyddydau yn ein helpu i goffáu, adlewyrchu a nodi’r rhai yr ydym wedi’u caru a’u colli.

Rydyn ni eisiau gwybod beth yw eich barn chi.

Sut gallai’r celfyddydau helpu i wella iechyd a lles pobl ledled Hywel Dda?

Rydym am i chi fod yn rhan o’r sgwrs am sut y gallwn wreiddio’r celfyddydau ar draws Hywel Dda fel y gallwn helpu i greu cymuned fywiog y gallwn i gyd ffynnu ynddi drwy gydol pob cyfnod o fywyd.

Peidiwch â phoeni os nad yw cymryd rhan yn ddigidol yn addas i chi.

Rydym yn hapus i ddod o hyd i ffordd arall i'ch helpu i gymryd rhan gan ein bod yn awyddus i ddysgu beth yw eich barn. Cysylltwch â’n Cydlynydd Celfyddydau mewn Iechyd Kathryn Lambert kathryn.lambert@wales.nhs.uk os hoffech gael gwybod mwy neu os hoffech i ni ddod i rannu gyda’ch grŵp neu gymuned. Ffôn 0300 303 8322 Pwyswch 5 am unrhyw wasanaethau eraill

Sail dystiolaeth:

Mae corff cynyddol o dystiolaeth o rôl y celfyddydau wrth wella iechyd a lles. Mae peth tystiolaeth yn y Gymraeg fel y rhai a gyflwynir ar y tab dolenni pwysig. Ond mae yna hefyd ddogfennau eraill o arwyddocâd cenedlaethol sydd ond ar gael yn yr iaith Saesneg. Gweler cwpl isod:

A report from the World Health Organisation

A report from Departments of Digital, Culture, Media and Sport on the evidence summary for policy