Model gofal iechyd cymunedol yng ngogledd Ceredigion

Mae Bwrdd Iechyd Prifysgol Hywel Dda wedi cymeradwyo cynnig ar gyfer model gofal iechyd cymunedol yng ngogledd Ceredigion yn ei gyfarfod Bwrdd ddydd Iau 26 Medi 2024.

Mae hyn yn dilyn ymarfer ymgysylltu â’r cyhoedd ynghylch effaith cael gwared ar y naw gwely cleifion mewnol yn Ysbyty Cymunedol Tregaron a’u disodli â gwasanaethau ar gyfer mwy o bobl a ddarperir yn y gymuned yng ngogledd Ceredigion.

Bydd y model gofal, sy’n rhan o brosiect ehangach Cylch Caron ac yn unol â gweledigaeth hirdymor y Bwrdd Iechyd ar gyfer canolbarth a gorllewin Cymru iachach, yn gweld symud gofal cleifion mewnol o’r ysbyty i gartrefi pobl. Wedi’u galluogi drwy fodel cymorth gwahanol, bydd staff yn gallu gweithio mewn gwahanol ffyrdd, yn canolbwyntio ar gadw pobl yn iach gartref, a gyda mwy o staff ar gael i helpu pobl yn y gymuned.

Darllenwch y datganiadau i’r wasg yma:Model cymunedol i fynd yn ei flaen yng ngogledd Ceredigion - Bwrdd Iechyd Prifysgol Hywel Dda (gig.cymru)

Gweler y papurau a’r recordiad o gyfarfod y Bwrdd yma: Agenda a Phaparau'r Bwrdd 26 Medi 2024 - Bwrdd Iechyd Prifysgol Hywel Dda (gig.cymru)