Fy iechyd, fy newis - eich llais i lunio eich gofal sylfaenol a chymunedol a’ch llesiant
Mae'r ymgysylltu hwn bellach wedi cau. Diolch am gymryd rhan.
Mae gennym weledigaeth a rennir gyda chi a'ch Cymuned ar gyfer gwasanaethau Iechyd a Gofal diogel, cynaliadwy a hygyrch a ddarperir mor agos i'ch cartref â phosibl. Mae hyn yn rhan o'n strategaeth ar gyfer 'Canolbarth a Gorllewin Cymru Iachach'. Rydym yn cynllunio ar gyfer y ffordd orau o ddarparu gwasanaethau Gofal Sylfaenol a Chymunedol yn Sir Gaerfyrddin, Ceredigion a Sir Benfro.
Dyma’r rhan fwyaf o’r gwasanaethau iechyd a gofal a ddarperir gan y GIG yn eich ardal, ar wahân i wasanaethau mewn ysbytai. Rydym am siarad â chi am sut y gellid cyflawni hyn yn eich ardal leol.
Weithiau byddwch yn clywed eich ardal yn cael ei disgrifio fel ‘Clwstwr’. Mae hwn yn disgrifio sut mae llawer o wasanaethau lleol sy'n ymwneud ag iechyd a gofal mewn ardal ddaearyddol yn cydweithio. Y nod yw cydgysylltu llesiant pobl a chymunedau yn well.
Mae saith clwstwr yn ardal Bwrdd Iechyd Prifysgol Hywel Dda. Rydym am rannu gyda chi sut y gallwch gael mynediad at wasanaethau gan dimau Gofal Sylfaenol a Chymunedol ar draws holl glystyrau Hywel Dda.
Rydyn ni eisiau gwybod sut rydych chi'n defnyddio gwasanaethau iechyd a gofal nawr a beth sydd ei angen arnoch chi i ofalu amdanoch chi'ch hun. Dywedwch wrthym pa wasanaethau rydych chi'n eu defnyddio, sut rydych chi'n gofalu amdanoch chi'ch hun a beth sydd bwysicaf i chi. Rydym am ystyried y cyfleoedd a'r syniadau sydd gennych. Er bod yn rhaid i ni weithio o fewn y cyllid sydd gennym, a allem ni wneud pethau'n wahanol?
Rydym yn eich gwahodd i ystyried diwrnod yn y dyfodol, pump i ddeng mlynedd o nawr. Sut hoffech chi i'ch iechyd a'ch gofal edrych? Beth fyddai eich helpu fwyaf yn eich Cymuned?
I rannu eich barn, cwblhewch ‘Fy iechyd, fy newis – holiadur’ isod. Am fwy o wybodaeth a holiadur am eich clwstwr cliciwch ar eich clwstwr isod. Rhowch adborth erbyn 11 Hydref 2024.
Clwstwr Aman Gwendraeth sy'n gwasanaethu meddygfeydd teulu Rhydaman, Pontyberem, Cydweli, Penygroes, Pontiets a'r Tymbl.
Clwstwr Llanelli sy'n gwasanaethu meddygfeydd yn Llanelli a Phorth Tywyn.
Clwstwr Gogledd Ceredigion sy'n gwasanaethu meddygfeydd yn Aberystwyth, Aberaeron, Borth, Llanilar a Thregaron.
Clwstwr De Ceredigion sy'n gwasanaethu meddygfeydd yn Aberteifi, Llanbedr Pont Steffan, Llandysul, Cei Newydd a Chastell Newydd Emlyn.
Clwstwr Gogledd Sir Benfro sy'n gwasanaethu meddygfeydd yn Hwlffordd, Aberdaugleddau, Trefdraeth, Abergwaun, Solfach a Thyddewi.
Clwstwr De Sir Benfro sy'n gwasanaethu meddygfeydd yn Noc Penfro, Neyland a Johnston, Arberth, Saundersfoot a Dinbych-y-pysgod.
Clwstwr Tywi / Taf sy'n gwasanaethu meddygfeydd yng Nghaerfyrddin, Llandeilo, Llanymddyfri, Nantgaredig a Hendy-gwyn ar Daf.
Gallwch ddysgu mwy am y gwasanaethau yn eich Cymuned mewn digwyddiadau Arddangos Iechyd a Llesiant a gynhelir yn ystod mis Medi 2024. Bydd llawer o ddarparwyr iechyd a gofal gwahanol ar gael i ddweud mwy wrthych am yr hyn y maent yn ei wneud, ac i ateb eich cwestiynau dros baned o de.
Gallwch fynychu digwyddiadau ar-lein o gysur eich cartref eich hun. Gallwch gofrestru i ymuno drwy rannu eich manylion yn ein ffurflen ar-lein yma (agor mewn dolen newydd).
Os na allwch ddod i ddigwyddiad, neu gwblhau'r arolwg ar-lein, gallwch barhau i rannu eich barn drwy:
- Anfon e-bost at ask.hdd@wales.nhs.uk
- Trwy'r post FREEPOST HYWEL DDA HEALTH BOARD
- neu os ydych am ddweud wrthym, gallwch ffonio 0300 303 8322 (dewiswch opsiwn 5) cost galwadau lleol.