Arolwg - Adleoli Meddygfa Lôn Morfa, Caerfyrddin

Mae Meddygfa Lôn Morfa wedi cysylltu â’r Bwrdd Iechyd i adleoli o bosibl o 2 Lôn Morfa, Caerfyrddin SA31 3AX i Adeilad 8, Parc Dewi Sant, Heol Ffynnon Job, Caerfyrddin, SA31 3HB. Y pellter o leoliad y feddygfa bresennol i’r lleoliad newydd arfaethedig yw 1.1 milltir, neu tua phedair munud o amser teithio mewn car.

Mae'r practis yn bractis un person wedi'i leoli ar ffordd brysur heb gyfleusterau parcio ceir. Disgrifir yr adeilad orau fel tŷ tref ar sawl llawr, gydag ystafell aros fach, gofod clinigol a gweinyddol i wneud gwaith cytundebol Gwasanaethau Meddygol Cyffredinol. Mae'r practis yn dymuno adleoli i safle newydd er mwyn gwella a datblygu gwasanaethau i'w cleifion drwy: 

1. Cynyddu lle clinigol a gweinyddol
2. Denu Meddygon Teulu newydd
3. Dod yn bractis hyfforddi a fydd yn helpu i recriwtio a chadw staff
4. Cynyddu nifer y gwasanaethau uwch i gleifion
5. Darparu cyfleusterau parcio ceir
6. Darparu gwell mynediad i gleifion gan gynnwys mynediad llawn i bobl anabl 

Hoffai'r practis ddeall sut y bydd y newid lleoliad arfaethedig hwn yn effeithio ar ei gleifion a'i staff ac mae'n eich gwahodd i rannu eich barn trwy gwblhau'r arolwg hwn.